Servus miteinand. Mia suachan m/w/d:


Schreiner/Trockenbauer
Fliesenleger, Maler
Heizungsbauer

 

Mia samma guade Handwerker mit guader Ausbildung und mach ma für unser Kundschaft meistens recht scheene Bäder. Schauds enk de Bäder a, dann wisst’s wos ma moanand. Und weil unser Chef an Vogl hod, brauch ma na a boa Leid.

Stellenbeschreibung:

  • Im Summer midn Chef an Donaustrand fuatgeh.
  • Im Winter Weihnachtsfeier erst am Christkindlmarkt, dann zum Griechn und dann na ins Bürgstüberl muast scha aushaltn, s’Taxi fahrt di scha hoam.
  • Vom Geld her hods bei unserm Chef na nie ebbs gebn, a dreizehnts Monatsghoit sowieso
  • Weil ma de arbeiten fast alle selber mochan, muas a jeder überoi dazua glanga (grod da Maler is in da Werkstadt bei de Schreiner ned zum braucha, und gib an Schreiner ja koa Cuttermesser!!! Sunst schneid er se wieder und is zwoa Wochan grang!)
  • Sunst helf ma alle zam und ziang ma de Baustelln recht zackig durch
  • Kinna muasst scha ebbs, mit so hoibscharige, heimwerkermäßige G’schichten kast di fei glei schleicha
  • Des Raucha mog unser Chef ned so recht, owa meistens is er eh ned do und gega laare RedBull-Dosen is er allergisch, aiso soist scha a na sauwa oabatn

Wennst mechst, kast da na a weng unser Internetseit’n aschau (www.deragisch.de) oder mid da Tina vom Büro schmatzn, de is owa ned jedn Dog do, Telefon 08543 1335 besser is Handy vom Chef 0170 8597093.
Schickst hoid a Whatsapp oda a Email.

Da Stundenlohn is Verhandlungssach. 
Es ginge auch a Teilzeitbeschäftigung.

Merce